Codi llais dros fywyd gwyllt Cymru
Rydyn ni’n dychmygu Cymru gyda mwy o fywyd gwyllt mewn mwy o lefydd, wedi’i chreu gan gymdeithas sy’n gwerthfawrogi’r byd naturiol yn ei hanfod.intrinsically values the natural world.
Ein Gwaith Cyfrannu
Gwarchod Natur yng Nghymru
Er gwaethaf pwysigrwydd bioamrywiaeth mewn cymdeithas, mae’r DU yn parhau i fod yn un o’r gwledydd sydd wedi colli’r gyfran fwyaf o’i byd natur yn y byd.
Mae Cymru Wyllt yn Sefydliad Elusennol Corfforedig (CIO) er budd bywyd gwyllt a phobl Cymru.
Rhif Elusen 1180113
Cadwraeth ar Waith
Achub Llygod Pengrwn y Dŵr Ucheldir Cymru
Achub un o’r rhywogaethau sy’n wynebu’r perygl mwyaf yng Nghymru
Mae Cymru Wyllt a’i bartneriaid yn ceisio achub poblogaeth o un o’r rhywogaethau prinnaf o famaliaid, a’r un sy’n wynebu’r dirywiad cyflymaf yn y DU, Llygod Bengron y Dŵr (Arvicola amphibius).
“Rydyn ni wedi colli cymaint o’n Llygod Pengrwn y Dŵr yng Nghymru dros y pum deg mlynedd diwethaf neu fwy. Os na wnawn ni rywbeth ar frys, efallai y byddwn ni’n colli’r anifail rhyfeddol yma am byth. Mae prosiectau fel hyn, sy’n dod â chadwraethwyr, prifysgolion a chymunedau lleol at ei gilydd, yn rhoi gobaith i ni y gallwn achub Llygod Pengrwn y Dŵr a llawer o rywogaethau eraill a’u cynefinoedd hefyd”.
Iolo Williams: Darlledwr Teledu a Naturiaethwr
Achub Britheg y Gors yn ne Cymru
Ailgyflwyno’r glöyn byw prin yma i atgyfnerthu cymunedau
Mae’r glöyn byw wedi profi dirywiad trychinebus ledled llawer o Ewrop a’r DU yn ystod y degawdau diwethaf. Er bod Cymru’n parhau i fod yn gadarnle cymharol iddo, mae llawer o ddifodiant lleol wedi digwydd yma hyd yn oed.
Er mwyn mynd ati o ddifrif i wyrdroi dirywiad byd natur yng Nghymru, rhaid i ni edrych y tu hwnt i ddulliau cadwraeth traddodiadol a chofleidio dulliau newydd, arloesol. Mae’n galonogol gweld cynnydd mor gadarnhaol wrth warchod glöyn byw eiconig Britheg y Gors. Er mai hwn yw’r prosiect cyntaf o’i fath yng Nghymru o bosib, yn sicr ni ddylai fod yr olaf.
Llwyndewi – ein gwarchodfa natur gyntaf
Tirwedd wyllt ogoneddus
Yn 2023, daeth Cymru Wyllt i reoli ardal fawr o dir oedd yn eiddo i Brecon Carreg, y cwmni dŵr mwynau. Mae’n safle anhygoel sy’n edrych dros Gastell Carreg Cennen ac mae ganddo botensial enfawr.
Yn gorchuddio 65ha, mae’r tir o amgylch ffatri Brecon Carreg ger Trapp yn cael ei adnabod bellach fel Llwyndewi ar ôl y fferm a oedd yn bresennol yno yn wreiddiol. Mae’n cynnwys cymysgedd rhyfeddol o ddolydd, coetir, glaswelltir corsiog, glaswelltir asid ucheldirol ac, wrth gwrs, Afon Llwchwr. Yn cael ei adnabod fel Llygad Llwchwr, mae’r afon yn dod allan o ogofâu tanddaearol ac yn llifo drwy’r warchodfa ac, yn y pen draw, yn cwrdd â’r môr ger Llanelli.
Uned Ymchwiliadau Natur
Drwy newyddiaduraeth ymchwiliol fanwl, bydd Cymru Wyllt yn datgelu’r dystiolaeth y tu ôl i’r penderfyniadau sy’n effeithio ar fywyd gwyllt, cynefinoedd a thirweddau Cymru. Byddwn yn datgelu methiannau, yn herio’r rhai sydd mewn grym ac yn sicrhau mwy o dryloywder mewn penderfyniadau amgylcheddol, oherwydd bod adferiad byd natur yn dibynnu ar atebolrwydd.
Un mewn Pump
Mae un o bob pum rhywogaeth yng Nghymru yn wynebu difodiant. Un mewn Pump yw ein hymgyrch ymchwiliadau flaenllaw, sy’n edrych ar bump o’r bygythiadau mwyaf sy’n wynebu bywyd gwyllt Cymru drwy gyfres o adroddiadau a ffilmiau manwl. Gan gyfuno newyddiaduraeth ymchwiliol, tystiolaeth wyddonol ac adrodd straeon pwerus, byddwn yn datgelu beth sy’n sbarduno dirywiad byd natur a beth sydd angen newid. Mae ein hymchwiliad cyntaf i danau gwyllt a llosgi glaswelltiroedd yn anghyfreithlon ar gael i’w ddarllen bellach.
Apeliadau
Codi arian ar gyfer y prosiectau pwysicaf
Mae rhoddion gwirfoddol a grantiau yn hanfodol i’n gwaith. Pan fyddwn yn ymgymryd â mentrau mawr, efallai y byddwn yn lansio apeliadau pwrpasol i gynhyrchu cefnogaeth ychwanegol a datgloi cyllid cyfatebol, gan ein helpu i gyflawni mwy o effaith ar gyfer y cymunedau rydym yn eu gwasanaethu.
Cymryd Rhan
Gwirfoddoli gyda ni
Mae ein gwirfoddolwyr yn hanfodol i’n gwaith, mae gennym fwrdd o ymddiriedolwyr sydd i gyd yn gwirfoddoli eu hamser ochr yn ochr â phobl ledled Cymru sy’n ymwneud â gweithgareddau cadwraeth uniongyrchol.
Helpwch ni i godi arian
Cefnogwch ein gwaith
Cefnogwch ni er mwyn i ni allu codi llais dros fywyd gwyllt. Er mwyn aros yn ddiduedd, nid ydym yn derbyn cyllid gan y Llywodraeth ar gyfer unrhyw un o’n gweithgareddau. Yn hytrach, rydym yn dibynnu ar gefnogaeth hael gan bobl fel chi, drwy gyfraniadau, rhoddion a chymynroddion rheolaidd.
Gwaddol Parhaol
Gadael rhodd yn eich ewyllys
Mae angen ein help ni ar fywyd gwyllt yn fwy nag erioed. Drwy adael rhodd yn eich ewyllys, gallwch helpu Cymru Wyllt i warchod byd natur a chreu Cymru gyda mwy o fywyd gwyllt mewn mwy o lefydd. Ar ôl darparu ar gyfer eich anwyliaid, gall rhodd fechan hyd yn oed ein helpu ni i wneud cymaint mwy.
Natur Cymru
CYLCHGRAWN GWEITHWYR CADWRAETH PROFFESIYNOL CYMRU
Latest News
Diolch am eich holl gefnogaeth i Wild Cymru dros y 12 mis diwethaf. Gyda’ch help chi, rydym wedi gallu ymgymryd â phrosiectau cadwraeth natur tirwedd pwysig, yn ogystal â herio…
Working Hours – One day / 7 hours per week Term – Fixed Term – 12 months Salary – £27,000 (Pro-rata) Role Location – Predominantly at Wild Cymru’s Community Wildlife…
Thanks to funding from the Pen-y-Cymoedd Vision Fund, Wild Cymru are looking to appoint a Conservation Officer to oversee the final year of our upland Water Vole conservation project in…
